港姐未選，亞姐又開始招募。饒珮君、黎淑賢、董南菲、吳亭恩和杜挺豪前晚到蘭桂坊為「2006亞洲小姐競選」作招募。身穿熱褲的饒珮君表示有工作人員護駕，不怕被抽水，一身低胸裝的黎淑賢則說：「抽水就冇，但有個唔知男定女，篤我條腰一下，冇乜事嘅，我都護胸成功。今日有少少亂，係洋漢熱情啲，冇理由嚟呢度着得密實㗎。」
亞運代表參加
事後饒珮君透露其拉丁舞學校的一位女學生已報名參選，她說：「我叫咗位曾經代表香港羽毛球隊參加亞運會得季軍嘅女仔報名，但我係員工冇得提名，或者第時做佢經理人啦。」亞視高層葉家寶透露亞姐冠軍的獎金獎品總值逾250萬，並呼籲16至26歲的女性參加，本月30日截止報名，稍後也會到台灣招募。
採訪：王連連 攝影：陳俊強
