如果我唔講，你可能會以為呢架又係唔知邊間大廠嘅新出品，查實呢架係一架完全靠電力去推動嘅跑車。呢架叫TeslaRoadster嘅電動跑車，係由一間成立咗只有短短3年，叫TeslaMotors所研發，呢架車最特別係性能拍得住普通燃油車，只要叉足電，足足可以行200至250公里，馬力有185匹，由0-60km/h只要4秒，最高時速可以超過208km/h，加上全碳纖車殼，話就話係用電力推動，但速度感絕不比燃油車遜色，而且仲環保得多。
安全措施做到足
講到尾佢都係一架跑車，速度仲要有番咁上下，所以廠方在安全方面一樣做到足，好似安全氣袋、兩側防撞保護設計、車頭防摺設計等，一切準備就緒，只要通過FederalMotorVehicleSafetyStandard(FMVSS)合格的話，廠方就會喺美國出售，有興趣就要畀心機等等啦。
記者：黃婉冰