最近有雜誌指鍾鎮濤（阿B）及鄺美雲等打人胎素針回春，前晚阿B在灣仔伊館為某公司聚會演出，他接受訪問否認曾打針，他說：「我根本冇打過，又唔識得間公司嘅老闆娘，唔信你睇吓我個額頭有冇針孔囉。不過我都要多謝啲人睇得起我，我真係天生麗質，keep得好先有人咁講。」
阿B坦言於20多年前曾割雙眼皮，但已忘了是割哪一隻，他說：「我天生一邊單一邊雙，嗰時聽人講割咗會發，我又唔係走去隆胸，拉面皮嗰啲好得人驚，我唔得㗎。」
抗拒韓女整容風
阿B謂很滿意女友范姜的現狀，不用再加工，他說：「女人整容都係畀男人睇，我啱啱喺韓國返嚟，嗰度一街都係整容樣，聽講啲阿媽係成套整容手術送畀個女做18歲生日禮物，唔整好似會影響市容咁。」
採訪、攝影：李珮洳