富豪之前好公開咁向舊愛大美人告白，查實佢對大美人一往情深，自從佢喪妻後，關仁聽聞佢曾經向大美人求婚，不過俾人拒絕咗，或者佢唔想因為一棵樹而放棄整個森林啩！不過對於富豪嘅癡心一片，大美人都覺得好自豪，仲同身邊密友分享呢個秘密。富豪一直未能完完全全得到大美人個心，所以咪成日借機會製造驚喜畀女方，希望終有一日可以打動佢囉！