三個男人的本事

三個男人的本事

邵聖瑜來自顯赫家族,有一份令人羨慕,看盡世間華麗美事的工作,也從幾位男士身上學到終生受用的經驗。如從她的父親邵維鈁身上,她學到的是人生價值觀:「我嘅家長令我學到人要謙卑同誠實,人生唔係淨係要搵錢,𠵱家我作為孩子嘅家長,都謹記自己要以身作則。」

讚Karl有魄力

能夠與時裝巨人KarlLagerfeld共事,邵聖瑜驚歎對方的工作魄力:「Karl年紀好大,不過佢真係好有活力,好似佢最近喺香港影Chanel秋冬廣告campaign,佢做嘢每個過程都好仔細,真係好強。」當然最後不得不提她的叔公邵逸夫,她說:「佢成一百歲,簡直係不能置信,佢成日教我哋學氣功,可以令人冇咁受壓,因為如果做任何事情都有壓力,反而乜都做唔到。」

自創新食譜

訪問中邵聖瑜常常掛着「冇時間」三個字於口邊,由早上七時起床做運動,上午工作,下午照顧三子女,身邊總是熱熱鬧鬧的。至於私人時間,除了理髮時,就是廚房時光,她說:「最滿足過癮係可以發掘啲新食譜,我中西餐都會煮,點樣表達得靚,煮嘅過程已經好有學問,當見到人哋食你煮嘅嘢食得開心,我好心滿意足。」故此邵聖瑜將這份興趣轉化成動力,去年夥拍退休大法官楊鐵樑媳婦、好友余夏卿,合資推出《Delicious》烹飪書。

六叔姪孫Chanel要員

邵聖瑜(ClaudialShawD'Auriol)是邵逸夫的姪孫女,擁有中國及奧地利血統,名副其實的blueblood,她於美國BrynMawrCollege主修德國文學,現於法國殿堂級品牌Chanel任職顧問及chiefbuyer等要職。她與法籍夫婿GuyD'Auriol育有一女二子,分別是Anna、Hugo及Thibault。

早前Chanel在港舉行的HauteCouture騷,KarlLagerfeld(中)親自督師。

余夏卿(左)、邵聖瑜
《壹週刊》圖片

邵聖瑜(左)、邵逸夫(右三)
資料圖片