呢期扶農股炒到飛起，浩倫農科（1073）仲企?最近4個月低位，昅昅無妨。浩倫06年度中期（12月止）大增1倍到10.68億銀，純利就增長36%到1431萬銀。呢期營業額猛升，主要係以量取勝嘅農業貿易業務帶動，但呢一瓣毛利率偏低，所以，純利增長跟唔上收入增幅。但要咁睇，隨住浩倫貿易業務網絡壯大，產生協同效益，以咁大嘅生意額，毛利率只要稍稍改善，浩倫毛利增長，可以好得人驚。
Beforethat，集團有中期業績墊底，06年度純利保持10%溫和增長到2360萬銀，仲有8倍PE睇。再講，浩倫最新NAV0.86元，現價（0.46元）折讓46%，又有折讓墊底。而呢期主打扶農股包括一拖（038）及玖源（8042）狂炒，資金換馬炒落後，浩倫應該有計。以浩倫06年度PE10倍做目標，要見0.57元，現價潛在升幅25%。
廈銀上市閩信發達
廈銀上市 閩信發達
閩信（222）呢期閃媖閃媖咁上，係冷敲之選。閩信最新NAV2.88元，現價（1.72元）折讓40%，而集團資產中，包括廈門國際銀行36.75%權益。閩信有NAV折讓兼金融底，呢期市場又開正中資金融保險股呢瓣，閩信已經有跟進理由。
有報道話，廈銀有計劃上市，而閩信揸住嘅廈銀權益，仲要係用NAV入賬。廈銀潛在價值一旦釋放，閩信NAV隨時斷倍咁升。博閩信上番1.98元高位，有魚有肉。
錢雋