黃宗澤雖是無綫藝員，但與前亞視高層陳圖安關係原來十分友好，昨日更親到書展為對方推出的新書簽名會打氣。兩人甫見面即熱情地親親臉頰，之後陳圖安再主動攬着對方腰部，又握着他的手逾兩分鐘，久久不願放開。
昨日灣仔會展舉行的「香港書展2006」繼續熱鬧，陳圖安為新作《愛我單丁男》舉行簽名會，黃宗澤及一眾亞視藝人齊來撐場。陳圖安甫見黃宗澤到場，即興奮地熱烈打招呼，兩人又搭膊又錫面，陳圖安更甘冒「斷背」之嫌主動握着對方的手久久不放，直至因要跟其他人影合照才願放手。
黃淑儀認注人胎素
對於被陳圖安拖手不放，黃宗澤表示並不介意，他說：「朋友啫！」問他會否擔心被指斷背？他就謂：「唔會，我哋只係朋友，生日都有birthdaykiss啦！冇乜嘢喎，擁抱咪仲勁過拖手？而且大家都係男人，冇所謂，法國人都係咁，拖女仔就話唔知點啫。」
黃淑儀昨日到場宣傳第四本飲食著作《情濃菜香》，對於有報道指她曾注射人胎素養顏，對此她直認不諱說：「係，因為我係嗰個牌子嘅代言人，兩年前試打過一次針，之後冇再打，因為幾年至打一次。打人胎素同食補品一樣，只不過係針藥嘅分別，中國歷代都有紫河車（用人的胎盤製成的藥材）補身，人胎素唔算係胎兒，而且產品係經過日本厚生省嚴格驗證至可以出產。」
當眾慘食男友檸檬
黃宇詩昨日也現身宣傳處女作《與詩花語》，男友陳雋騫和原子鏸也有到場打氣，之後黃宇詩要求男友影合照，但遭拒絕。此外同場還有Kellyjackie為著作的《公主日記》舉行簽名會，以及莫文蔚父母宣傳新出食譜等，場面熱鬧。
採訪、攝影：魯萍
