新聞女王葉璇昨日被雜誌爆料，指她刻薄及虐打前助手阿雪，阿雪接受訪問時更直指葉璇為人變態，昨日葉璇透過經理人堅稱沒有動手打人。其「死對頭」張文慈（Pinky）雖然表示對事件不作評論，但力撐阿雪十分勤力。
近日被殼王陳國強再度寵幸的葉璇，日前出席新書簽名會時，一身珠光寶氣意氣風發，儼如勝利者。她在新書中以「上善若水」來形容自己無欲無求，但現實中的她卻被大爆為人刻薄，昨日出版的雜誌《忽然1周》訪問了葉璇的前助手阿雪，她控訴葉璇不但精神虐待，還動手打人，令她生活在惶恐中。
忽然轉電話
對於葉璇被前助手阿雪指控打人，其經理人昨代為回應說：「佢唔會回應呢件事，佢話自己冇打過人，至於辭退助手，大家係喺愉快情況下結束賓主關係，佢又拍晒套劇，暫時放假未有新工作，所以冇助手都冇問題。」記者欲致電葉璇求證，但其手機昨竟突然暫停服務。
亞視一姐張文慈跟葉璇在劇集《情陷夜中環2》中合作，二人戲裏戲外都火花四射，視對方為死敵，對於爆出葉璇虐待女助手一事，張文慈昨日說：「我唔答啦，太敏感。我都有睇過吓段報道，唔方便加意見，之前拍《情陷2》見過佢個助手，我覺得佢係一個好勤力、好有心做嘢嘅女仔。」
阿雪在訪問中透露要24小時隨時候命，更經常被葉璇破口大罵，辭工後聽到葉璇的名字仍感到害怕，應約接受訪問前也說：「如果佢喺度，我唔會出嚟㗎。我呢世都唔會再見佢。」她還以「變態」形容葉璇說：「我覺得佢咁對我好變態囉，佢搞到我五臟六腑都散晒，我仲俾佢搞到荷爾蒙失調，經期都亂晒。」
無理扣人工
阿雪道：「佢成日對我呼呼喝喝，要求我做乜都要快，做慢啲都俾佢鬧，簡直係虐待我，最後搞到我精神緊張，仲便秘㖭。」又指控葉璇曾用劇本打她，終令她於本月4日辭職，阿雪續說：「我主動同佢終止僱傭合約，跟住佢出埋最後一個月糧畀我，但銀碼唔啱，佢畀少咗我，我問佢點解，佢話我有次攞漏對鞋，又帶漏支遮瑕筆，要我賠償佢嘅損失。」
採訪：楊潔雯、比華利
