一向妙語連珠的鄧永鏘昨日於灣仔書展為其新書《AnAppleAWeek》舉行簽名會，寫序言的是好友彭定康（ChrisPatten）。
笑言破產兩次
問鄧永鏘處男出書為何出英文書，他笑說：「我英文好過中文，又可以畀讀者學吓英文。𠵱家開始寫另一本書，係關於愛情嘅。」問他會否爆好友的愛情故事？他說：「老友記唔會mind。」
鄧永鏘透露新書內容有關同性戀、宗教、賭博等話題，更笑言自己破過兩次產，他說：「我十幾二十歲時喺英國玩輪盤，試過輸晒所有錢，全部輸晒，仲借埋老友間屋賭。嗰時層樓值6萬鎊，當時滙率係乘16，好彩我買4號，仲中咗4次，幫朋友買番層樓。不過4年後喺英國馬場賭馬，又輸晒。一世人邊個冇做錯，輸唔起都唔好賭。」
採訪：CamelLok
攝影：ChanShunChing