新的球季即將來臨，球壇最熾熱的話題有意大利球會醜聞，亦有球星轉會的新聞，大家可去各球會及以下的網站八一八（http://apps.macauslot.com/soccer/jsp/player/transfer.jsp?type=1）。至於消費方面，大家都準備好彈藥再掃波衫。英超波衫陸續出籠，其中一勁旅阿仙奴搶了頭啖湯，上個星期已醒目登場，質地厚了一點，用料令人感覺有點OldSchool。而曼聯件波衫就定於7月尾出，賣$459，全城關注，矚目之處在於衫上的Sponsor轉了AIG。好多人都投訴好核突，起初我都有同感。不過回想到當年由Sharp轉去Vodafone，Fans都嘈話接受唔到啦。不過最後又咪話靚，賣到通街通巷，其實係睇得慣與唔慣的關係。如今，睇慣了又轉了AIG，難怪Fans又習慣性嘈，不過最後都係會買！
而車仔今年棄用Umbro轉頭adidas，新的波衫亦於月尾登場，對它沒多大感覺，鬼叫我係紅魔鬼Fans。據講大型運動衫舖頭會於7月尾搶先發售，而細舖頭則要等到8月頭，事關今次攞貨形式有變，以套餐賣。一個Package連女裝、男裝、波衫、配件，你唔買套餐，就要等，所以一些專門賣男裝波衫唔賣女裝的，又或是小本經營的細舖仔，就要等等！