朋友B在NGO工作，幾年間周遊列國，見盡旅遊人不會見到的人間事，眼界開完又開。最深刻的小故事是她與非洲人談天，黑人看到她手中數碼相機，瞳孔放大：「嘩，這個很先進呢，很貴吧？」小小相機，算起來是非洲人N年收入吧，但對方絲毫沒有羨慕，「香港人賺那麼多錢，住的地方很大吧？」然後說及自己家有千多尺，後園作田，在無無謂謂奢侈品上威慣的香港人，一同其他地球人講到基本需要，即時啞晒。
B剛從南非返港，又有小故事講：香港水災浸海味在上環漂浮，非洲卻旱災連年，除了缺水，當地經濟（比起大陸山區）其實不算太差。訪鄉間見小朋友踢足球，穿的一對膠拖，細心一睇，咦！膠拖怎麼有自畫Arsenal、Henry字樣，仲畫上去年贊助O2標記。一問之下原來是阿仙奴Fans，國家隊都捧法國（因法蘭西多黑人？），最崇拜亨利。「小亨利」不踢前鋒卻守龍門，問佢法國輸咗世界盃喎，有無唔開心先？佢大表驚訝：「唔係喎，輸？法國贏咗世界盃亞軍噃，你係咪無睇㗎？」非洲人質素高可見一斑。南非機票過萬，酒店方面……4年後邊個知，我開始儲錢了，希望2010，南非見！
