林海峰和葛民輝合組的軟硬天師自95年獨立發展11年後，今年終於重組，並於下周踏上紅館舞台舉行一連10場的演唱會。早前他們灌錄了一張全新唱片，其中豪華版將隨碟附送一張DVD，輯錄了他們細數當年情的片段，除披露二人的關係，還談及同校時的瘋狂事。
林海峰（阿Jan）與葛民輝88年組成軟硬天師，95年拆夥，11年後，早前正式宣布重組，他們下周四於紅館舉行一連10場演唱會也早已爆滿。乘着這股氣勢，明天將推出重組後的首張專輯《LongTimeNoSee》，在首批15,000張豪華版中，隨碟附送貼紙及一張DVD，這張30多分鐘的影碟中，他們細數當年情，包括同校時的趣事。
最回味整蠱老師
阿Jan與阿葛早於84年在白英奇修讀設計課程時認識，談到當年整蠱英文老師及搗蛋趣事，十分抵死過癮，阿Jan說：「我哋好鍾意整蠱英文老師，一次我哋成班同學喺課室將啲位移去另一個方向，老師一入嚟嚇咗一跳，跟住我哋就移、移、移番正常位置，好好笑。」
阿葛又親身回到校園取景拍攝，談及一班同學經常玩弄校外山坡貓兒的經過時笑說：「我哋會將一個好大嘅黑色垃圾膠袋裝滿水，夾手夾腳將個袋拋過對面唔夠100呎山坡，嘭一聲嚇走晒啲貓，但係有次個膠袋喺途中穿咗，咁我哋就去教員室攞啲紙嚟抹，點知最後先知原來係試卷！」
談到軟硬22年的友情歲月，阿Jan憶述小時候阿葛親手為他砌書架的經過時，扮喊來製造氣氛，他笑說：「我都冇話要書架，係佢自己鍾意自己製作，我都冇話要。」
友情工作難平衡
軟硬天師經常傳不和，在真心剖白的環節中，阿葛指與阿Jan同舟共濟，關係有如親兄弟，他說：「林海峰係一個好堅嘅朋友，大家共同做一啲事，但係友情同工作有磨合位，有時唔知點算好，好難秤。」阿Jan則直言現時已很少與阿葛溝通，是因為每次致電給他時總會轉到留言信箱，他笑說：「多數打畀佢都會飛去留言，咁點搵佢啫？成日都係『萬佛朝宗，邊位搵阿葛』，真係好煩。」
撰文：羅慧敏
