恒基地產同環保促進會合作，首次喺將軍澳新都城中心商場搞環保活動，名為「新都城中心飛越未來科學、環保、創作比賽」，鼓勵學生哥運用環保物料，發揮創意，做個小小發明家，頭三名有2000至5000蚊獎學金。今個月28號截止，大會至今已收到百幾份參賽作品。得獎作品下個月會喺商場展出，吸引人流之餘，仲可以幫商戶增加商機。