擁有雪白肌膚兼43吋長腿的郭芯其，已定下增肥大計，希望身形能豐滿一點。她還大呻因為皮膚薄和容易敏感，每次到沙灘總會被蚊叮和蝨咬，實在苦不堪言。
不少人都趁炎炎夏日到沙灘暢泳和曬太陽，不過郭芯其卻大唱反調，只會工作時才踏足沙灘，因為每次都遇上慘痛事情。原來她皮膚薄又易敏感，還記得數星期前到沙灘宣傳，短短五分鐘已被蚊叮，一小時後就發現雙腳被沙蝨咬腫。
留印急就診
郭芯其日前說：「若果曬，我都可以搽防曬同擔遮，但我次次噴完蚊怕水都依然俾蚊咬到成腳都係一粒粒，有次仲要見住啲沙蝨跳上大髀後邊，咬到腫起一笪笪。」
由於腳上的印遲遲未褪，令芯其大為緊張，因為一雙43吋長腿是她最滿意的部份，所以最後要看醫生，她說：「腳上面啲痕成兩個星期都唔褪，自己又忍唔住𢱑，所以愈嚟愈嚴重，我怕以後都係咁，咪即刻睇醫生囉。」
擦意粉雪糕
當一眾女士大叫要減肥之際，芯其卻嚷着要增磅，因為她早前為新碟緊張得瘦了10多磅，之前買下的衣服都不合身，她笑說：「我已經冇乜身材，之前瘦咗更加冇，就連underwear都唔啱身，朋友都猛咁叫我食多啲。」
郭芯其續說：「以前我一定唔食意大利粉、雪糕同芝士蛋糕，呢排為咗增肥我照食可也，不過都怕到時增完磅後停唔到口，又要減肥呀。」
採訪：李珮洳 攝影：林德雄
髮型：KelofHair 化妝：Bunny 泳衣：PrivateShop
姓名：郭芯其（Rammie）
原名：郭斌妮
年齡：20歲
三圍：33、23、34
入行經過：02年參加環球小姐中國賽區比賽得亞軍，之後獲介紹認識經理人朱永龍，前年簽約新藝寶唱片公司
工作經驗：拍攝過日本TDK、中銀信用卡、纖形22和沐浴露等廣告以及內地劇《籃球部落》
資料來源：《蘋果》資料室
