信和集團嘅屯門市廣場，以「愛夏日．愛雪糕嘉年華」做主題，準備推出連串暑期活動，迎接另一個零售旺季。商場首席總經理陳欽玲話，會喺場內放置20呎高嘅巨型「雪糕城堡」，陳列雪糕嘅歷史，仲有好多著名雪糕品牌到場展銷，共可提供50種唔同口味嘅雪糕，啱晒雪糕發燒友。 陳欽玲透露，今次推廣費用達400萬，估計商場人流會增加10%，生意額多12至15%。