周麗淇與16位候選港姐昨日在尖沙嘴SaSaBeauty出席活動，出名皮膚白滑的周麗淇即席分享美容心得，眾佳麗踴躍舉手提問，甚受歡迎。
周麗淇將會擔任最上鏡小姐評判，昨日她大讚佳麗質素甚高。問她入行前可有想過參選香港小姐？她說：「我唔敢喺咁多人面前着泳衣，不過細個經常喺屋企扮港姐，用被披喺身上扮件袍，再將爐頭錫紙戴喺頭上扮皇冠，又偷阿媽高踭鞋嚟着，我家姐（周汶錡）就唔會同我玩啦！」
力撐家姐
提到周汶錡近日被指五官再作「修葺」及所推出的新書由槍手代勞，周麗淇力撐胞姊說：「家姐都有同我傾過，我可以做人證，平時喺屋企成日叫佢唔好將啲稿紙同相周圍擺，呢本係介紹性質嘅書，以我家姐嘅文筆，絕對應付到！」
採訪、攝影：卓美娟
