電影《龍虎門》在下周五上映，余文樂在戲中飾演少年石黑龍，經常手持雙截棍，他日前在灣仔東方電影公司接受訪問時表示在拍攝期間打斷數十支雙截棍，又因經常要將雙截棍夾於腋下，令其腋窩傷痕纍纍，甚為受罪。
手瓜肌肉無花假
余文樂表示小時候零用錢不多，根本負擔不去起買漫畫書，他說：「多數都係問人借嚟睇，不過我都係最鍾意石黑龍呢個角色，我喺海報啲手瓜肌肉係真㗎！拍攝期間道具同事限我一日最多可以打爛三支道具雙截棍，因為佢哋要將支棍噴油乾唔切。」
余文樂過去兩年有份主演的電影《無間道》及《頭文字D》均成為港產片年度票房冠軍，他期望今年主演的《龍虎門》同樣能夠成為票房冠軍，他說：「希望套戲票房有三千萬，如果可以成為今年票房冠軍，證明我都幾好腳頭啦！」
採訪、攝影：卓美娟