捷克球星巴路士一向畀人嘅印象都係乖乖仔，查實原來佢係一個野性奔放嘅男人！巴路士有份參加今屆世界盃，所以有延遲歸隊返維拉操練嘅特權。點知佢喺放假期間認真唔檢點，畀捷克當地一份報章影到佢夜蒲，飲醉酒「瘟女」都不特止，仲要將個避孕套笠喺個頭上面，咩形象都冇晒啦。
據捷克報章爆料，佢哋班狗仔隊跟咗巴路士幾日，發現呢位維拉前鋒晚晚都會去夜總會度蒲，仲要每次都飲到醉醺醺，成「劈」爛泥咁，過住一啲糜爛嘅生活。有位記者更講述到，佢親眼目睹巴路士上身冇着衫，同夜總會入面啲女郎大跳貼身辣舞；最離譜嘅係，佢竟然用避孕套紮住自己把長髮，做乜咁核突呀！
應承過番正常生活
捷克喺今屆世盃分組賽出局，呢排維拉咁亂又炒領隊，想過檔德甲漢堡，兩會又傾唔掂轉會費，屈埋屈埋發洩吓都係人之常情，不過連避孕套都擺上頭玩，就過份啲。希望佢開「咧」前可以盡快收拾野性嘅心情，唔係容乜易戴埋個避孕套出球場踢波㗎。
好彩巴路士最近都回頭是岸，出嚟公開道歉話知錯，返英格蘭會過番啲正常生活。巴路士話：「我知好多後生仔都封我為偶像，我喺度同佢哋講句，唔好學我啲衰嘢呀！」
其實好多年輕人飲大咗都會做出不當行為，最緊要知道自己做緊乜，??家巴路士肯改過自新，仲公開道歉話知錯，我求大俠實原諒你