鄭嘉穎噚日到商台接受訪問，佢話嚟緊下個月會推出新碟，近日忙於為新歌《鄭重聲明》做宣傳，呢首歌係將佢嘅人生經歷同感情觀畀大家睇，仲話：「人人都有高低潮，當人人都睇你唔起嘅時候，有個人喺身邊陪你度過低潮。」所指嘅人會唔會係舊女友王馨平，佢就話對感情事一向低調，唔會多講人哋嘅事。