莫文蔚最近成為本地珠寶店周大福旗下驕人系列鑽飾的首位中國及香港區代言人，早前她示範了一批價值1,500萬元的鑽飾。她覺得鑽石有一種懾人的魔力，並直言現代女性送鑽石給自己更有成就感。
獲得不少廣告商青睞的莫文蔚（Karen），是多個品牌的代言人，最近她又以七位數字酬勞，任本地珠寶店周大福旗下鑽飾驕人系列的代言人，她還擔任廣告創意總監，以KareninBed為題材，擺出多個誘人美態，以性感本錢招客。
愈簡單愈Classic
Karen任代言人的驕人系列鑽飾，代表了現代女性獨立、自信，追求生活品味的同時，更應該懂得愛自己，提倡BIY（BuyItYourself）的概念，Karen對此說：「我記得第一粒擁有嘅鑽石係自己買，當年用咗第一次拍廣告嘅錢買咗一對重一卡嘅鑽石耳環獎勵自己。大部份嘅首飾都係用自己嘅錢買，主要係一啲設計簡單嘅小耳環同頸鏈，因為愈簡單就愈classic，不過示範過千萬嘅鑽石首飾，有一種不能言喻嘅感覺，同時亦覺得有壓力。」
定情信物屬秘密
問Karen有否收過男友送的鑽戒作定情信物？她說：「我冇收過男友送嘅定情鑽戒，定情信物唔一定要鑽石，可以係一隻毛公仔或其他嘢，係一種心意，同時係兩個人之間嘅一個秘密。不過現代女性好事業型，唔需要暗示畀男朋友，都有能力買鑽石畀自己作獎勵，咁樣更加有成就感。」
床上展風情
莫文蔚擔任廣告創意總監拍攝的KarenInBed周大福鑽飾廣告，瞓身大騷床上性感一面，Karen認為每個人都會放很多時間在床上，而女性在床上又最具魅力，拍攝前大會更為Karen訂做四款不同的床作道具，其中一個造型她更真空上陣，只用一張被裹着身體，大賣性感的本錢。
原來Karen小時對母親的鑽石首飾並不感興趣，她說：「細個時只鍾意一啲閃閃玩具首飾，覺得戴上之後好閃好靚，好似水晶球一樣，完全唔知道鑽石原來係咁珍貴，長大先發現女人戴鑽石首飾之後，心情會好一啲，一粒完美切割嘅鑽石所散發嘅光芒，可以好閃，令人百看不厭！」
採訪：JessicaNgan
攝影：ChenWaiOn
化妝：Zing
髮型：CarrChengofChinG
服裝：HarveyNichlos
場地：twentyonetwentyone（蘭桂坊）
