何韻詩近日獲首飾品牌Artini贊助，日前她佩戴了兩套首飾，還大讚該品牌的飾物夠潮夠型，與她的形象十分配合。一向諗頭多多的阿詩，更希望可擔任飾物設計師，為自己設計獨一無二的婚戒。
向來愛作中性打扮的何韻詩，似乎與女性化的飾物扯不上關係，不過近日阿詩卻得到首飾品牌Artini無限量贊助，原來早前拍攝《花見七九八》音樂短片時，首飾公司覺得她能帶出飾物自由和時尚的感覺，故贊助她佩戴首飾一年。對於獲該品牌欣賞，阿詩日前接受訪問時雀躍地說：「今次合作好愉快，我欣賞呢個品牌嘅飾物好新潮，又有型又有款，真係好適合自己嘅形象，而且佢哋會冇限額贊助我，令我可以慳番唔少。」
嚮往完美婚禮
阿詩10月舉行個唱，該品牌也考慮贊助她，阿詩說：「雖然呢個品牌嘅飾物比較小巧精緻，喺舞台上佩戴未必適合，不過佢哋話如果我有需要嘅話，都會親自設計畀我，真係搞到我有啲受寵若驚。」
阿詩又表示希望能成為飾物設計師，更希望在未來的婚禮上設計一枚獨一無二的婚戒，她笑說：「結婚一生人只得一次，所以隻戒指梗係由自己設計先有意義，我咁鍾意彈結他，最好設計埋一個鑽石結他做婚禮擺設，咁我個婚禮就會好完美嘞。」
採訪：駱華齡 攝影：陳志嵐 化妝：ArrisLaw
髮型：JimmyWhiteofChin.G Styling：MandyLaw
場地提供：TheMarcoPoloHongKongHotel
