樂壇新人泳兒昨日到紅磡一酒店出席電訊網絡商的記者會，成為香港首個擁有個人手機主題3G網站的歌手。
泳兒表示慣常手機不離身，她說：「我平時等埋位開工都會用電話上網，我又好鍾意用電話影相同睇娛樂新聞，𠵱家啲電話又細又方便，對我嚟講好重要㗎。」
唔使變老姑婆
早前泳兒為自己的3G網站拍廣告，拍攝期間還首次接觸塔羅牌，當時她把握機會向塔羅師詢問自己的事業和愛情未來發展，對方告訴她謂有緣人早已在身邊默默守候，令她高興不已。
原來泳兒一直擔心自己嫁不出，她興奮地說：「我咁耐以嚟都係單戀人，聽到占卜師咁講，知道唔使再單戀，仲唔使變老姑婆！佢仲話呢個人一早已經喺身邊，不過因為我嘅職業關係，所以冇表白，我都有問嗰個係才子定『財』子㗎！」
採訪、攝影：藍文浩