幾年前一套《海底奇兵》大收旺場，港人興起養魚熱潮，旺角魚街擠滿買魚人士。養魚話難唔難，不過話易亦不易，好多人養極都唔能夠令魚缸穩定，卒之敗興收場！
高手駐場教路
筆者亦有幾年養魚經驗，當初的確碰到滿面灰，心機、時間及金錢花費不少，幸好喺網上搵到呢個教人養淡水魚嘅網站，由起缸、揀魚、水質到餵飼都有教學區，喺入面偷到唔少師㗎。最正係有乜唔識，都可以喺討論區度問人，大部份會員都好親切咁解答你問題，當中真係學到唔少嘢。
就算係養魚老手，都可到呢個網站，觀摩一下其他高手嘅魚缸示範，對自己都有鼓勵及參考作用，尤其係水草前後景，點Set點襯先至叫靚，包你喺呢度都搵到靈感。而且每次登入個MainPage都有唔同嘅靚相Show出嚟，欣賞呢批靚靚相片亦令人心曠神怡。
記者：徐影龍
網址：www.aqugrass.com/phpBB2/portal.php