大多數小夫妻愛建立自己的私人天地，當然，新婚夫妻梗係恩恩愛愛，嘴來嘴往，不過日子一久，大家都可能發現感情唔似以前拍拖咁恩愛！不妨試試在新屋弄些小擺設，增加大家的恩愛指數。
文：JustinChan
無敵七星粉晶陣
粉晶是增加愛情的大力丸，當然擺晒陣就更加勁。不妨在大家的床頭上放一個七星粉晶陣，以圓圓粉晶盤，用六個小粉晶組六角大偉星陣，中間放一個大粉晶，咁樣，大家剛剛拍拖嗰種蜜糖感覺，好快又來。
後現代版和合二仙
除咗西洋局陣，原來中方的和合二仙一樣咁耍家。當然，擺個原著的和合二仙在一個現代的屋企，一定無得頂，「特別出位」。所以，可改放成雙成對的公仔於當眼處，便可增加夫妻運，當然如果公仔有美妙音樂，閒時播一播，便會愛得更加甜了。更激的話，放一張大家最愛的相愛相放在大廳或睡房，來一個後現代版自家和合二仙，殺晒！
鮮花插在出糞處
廁所在一個屋企裏面，原來係舉足輕重的地方，所以，一個清潔的廁所是一定要的。同時，在這個重地裏，選一個靚靚花樽，再放日日鮮的鮮花，除咗令整個廁所有晒生氣外，夫妻的恩愛會有意想不到的牛市現象。
毛毛有個溫暖牌
屋企裏面，不妨多做一些墊子，營造一個舒適的感覺，同時又可以在玄關和室內用些毛神神材料的東西例如毛毛拖鞋、毛毛地毯和毛毛咕𠱸，令家的溫暖感覺更加濃烈，愛的感受自然會更加突出。大家放工後，便會掛住返屋企多溫馨一下。
電視大煞星
電視機呢家嘢，在香港極為普通，隨時客廳一個，飯廳一個，廁所一個，睡房仲有一個㖭。不過，原來電視機竟然係小夫妻的天煞孤星，呢粒星放響睡房裏，好容易導致大家只睇電視，不睇對方，更加唔好話講多句呢！所以，如果睡房有個電視機，還是讓這個煞星請走吧！
網址：www.justinchan.hk