原子鏸自與鄧健泓分手後，似乎一直未有固定男友，前晚她穿低胸裝單拖看首映，談到偶像尊尼狄普（JohnnyDepp）時即眉飛色舞，還自爆擇偶條件──要像尊尼般迷人又要令她開心。
原子鏸、熊黛林及許愿等前晚到太古城欣賞《加勒比海盜：決戰魔盜王》（PiratesoftheCarribean：DeadMan'sChest）首映，子鏸接受訪問談到偶像、該片主角尊尼狄普時有讚冇彈的說：「佢好靚仔，做戲又叻。」又稱相當期待偶像與周潤發合拍的《魔盜王》第三集，她說：「發哥我都鍾意，JohnnyDepp真係好charming（具魅力），搵男友真係要似佢咁charming同要成日𠱁我開心。」問她找到了沒有？子鏸說：「好難搵，我要求又高，要高過我，𠱁到我，唔一定要靚仔，最緊要性格令到佢靚仔，好難搵。」
盼珍妹開心
日前有報道指許愿前妻李麗珍與林青峰舊情復熾撐枱腳，許愿得悉此事緊張追問情況，問他會否替珍妹開心，他說：「梗希望人哋開心啦！」問他有否驚奇？許愿說：「唔驚奇，兩個人食飯有幾咁大不了？人哋關係係點唔到我管，做得朋友未必係壞事。」那麼許愿支持珍妹回到林的懷抱？他緊張道：「支持佢？nonononono！兩個成年人選擇點處理呢件事係佢哋嘅選擇，我支持世界和平。」
採訪：李珮洳 攝影：葉君海
