自從王菲生咗第二胎之後，有關佢退出定復出嘅新聞層出不窮。噚日內地又有報道話王菲會復出，仲係由老公李亞鵬間製作公司做搞手，喺出年春節搞全國巡迴演唱會，搵陳奕迅做嘉賓。報道話李亞鵬幫阿菲喊價五百萬人民幣，仲力邀老婆個經理人陳家瑛入股公司。噚日馮仁昭同陳家瑛傾過，佢一聽到單嘢就好無奈咁話：「唉，由得佢講啦，是但佢啦，根本冇啲咁嘅事。」