有市民看準離島坪洲沒有馬會場外投注站這個市場空間，提供流動六合彩售票服務，從中賺取手續費，但此舉卻惹來島上部份居民疑惑，擔心這種轉售服務，觸犯刑法。
居於坪洲的阿偉表示，每當六合彩開彩前一天，坪洲碼頭一帶，總有一名婦人，向居民兜售六合彩票。阿偉說：「因為坪洲冇馬會投注站，所以呢個中年婦人，每到開彩前一日嘅傍晚，就會喺碼頭出口同埋附近嘅茶餐廳，向啱啱放工搭船返嚟嘅居民或食客，兜售一啲已經投注咗嘅六合彩電腦飛，每張賣$22，賺兩蚊一張，如果跑馬日，佢就賣3T電腦飛，賺一蚊張。」
並無訂明規定
阿偉擔心說：「雖然佢呢種生意，賺嘅手續費唔係多，又方便到想買六合彩嘅人，唔使走出去坪洲。但以我所知，賽馬會係香港唯一經營六合彩投注嘅機構，唔知咁樣有冇侵犯佢嘅地位，我哋買呢啲六合彩飛，又算唔算犯法？」
對於市民可否在公眾地方，轉售六合彩圖利。香港賽馬會回覆本報，指香港馬會獎券有限公司的「獎券規例」，並無訂明有關規定。
警察公共關係科則表示，有關個案轉介予長洲分區警署了解後，發現該名在坪洲碼頭出售六合彩票的婦人，亦為島上居民。由於該婦人並無在公眾地方擺放攤檔，並未構成非法擺賣及阻街之罪名。又六合彩不同於娛樂場所入場門票，轉售不構成門票轉手倒賣以獲取利潤之罪名，即賣「黃牛飛」。而她出售六合彩票，也沒有觸犯《賭博條例》或違返香港賽馬會的規則，故此警方沒有拘捕任何人士。
檔案編號：0627027