1.首選幼間貼身
橫間會映得人肥同矮，如果真係好想着橫間衫，形象顧問NelNel就建議應該揀啲幼間同貼身嘅款式，Cutting盡量修身睇到身形，太鬆太闊會映得個人仲矮，最後加句着上就唔好着下喇！
2.加襟章Fashion味十足
有不少人都覺得水手Look太Cute，感覺太制服，唔夠Fashion。其實只要落深水埗買啲襟章釘喺啲藍白間衫或者裙褲到，DIY一樣有Fashion味。潮女想湊水手Look熱潮而又想有自己Style，深水埗買個襟章都係$5至$10左右，經濟又化算。
3.釘心口針亦得
嫌釘襟章都係太麻煩的話，可以落深水埗買啲整好晒嘅心口針，大概$20至$30左右。如果肯自己買料整嘅會平啲，仲可以揀自己鍾意嘅吊墜串上去，咁當然，除咗材料仲要好多心機。
4.一件起兩件止
記者經驗之談，水手衫款式多數出現於細舖，通常每間舖都係得一款起兩款止，貨量唔算太多，要買就要快！記者亦發現好多舖頭賣款式相同，但價錢差別可以好大，有時間嘅，不妨去多幾間格吓價先好買。