書展昨日開幕，今年不少名人明星出書賺錢，羅霖、劉小慧及陳霽平等就選擇在書展做善事，義賣公仔籌款。羅霖帶同兒子幫手，她謂藉此培育下一代的品行，並說：「品德比金錢更加重要！」
名人媽咪羅霖、劉小慧昨日拖男帶女，在灣仔書展義賣公仔，為兒童心臟基金會籌款，並大談育兒之道。羅霖透露特別帶同長子Jordan到場幫手，眾人落力呼籲，銷售成績不俗。
嚴選課外書
羅霖希望借義賣培育兒子的品行，她說：「我希望教曉佢哋幸福唔係必然嘅，世界上仲有好多人需要幫忙。我都會帶佢哋去做義工，教曉佢哋唔好自私，多啲同人分享喜樂，培育佢哋嘅品行、品德，比金錢更加重要！」她又表示為養育下一代用心用力，她說：「陀仔時都有胎教，自己成日睇書，久而久之，佢哋幾個都好鍾意睇書。我𠵱家揀教科書、課外書都好小心。」
贊成打書釘
義賣完羅霖會帶兒子行書展，她慨歎香港文化氣息不如新加坡：「我之前喺新加坡住，好多書局、書店都闢咗個角落，歡迎啲小朋友坐喺度免費睇書，唔買都唔緊要。香港欠缺呢方面，我希望遲啲會有所改善啦。」
至於一向英語水平甚高的陳霽平，透露曾為姪兒溫習英文科，她說：「啲英文都幾深㗎，溫咗一個鐘頭我頭都痛埋。」
採訪：HoWingLing
攝影：ChenWaiOn
