平日阿May多是自己煮飯，去得街市多，揀食材零舍有心得。買菜時要特別留意啲菜是否夠亁爽。事關好多菜檔為了啲菜看來靚啲，會在菜面噴水，但May提醒入廚新手，濕水菜好易爛，買返去唔耐放！
洋葱
點揀：選洋葱時要留意表皮完整無刮花，拿上手夠墜手。紅皮洋葱口感較硬，白皮洋葱口感較軟。
營養/功效：洋葱含有大蒜素與硒等抗氧化物質，有殺菌、增強免疫力、抗癌、降血脂和促進腸胃蠕動功效。
豬扒
點揀：選豬扒首要色澤呈粉紅，按下富彈性。若以煎炸烹調，豬扒宜帶少許肥油，煎起來才會嫩滑。
營養/功效：豬肉蛋白質、脂肪豐富，還含各種維他命及微量元素，具有長肌肉、潤皮膚的作用。
金菇
點揀：選擇鮮金菇，留意包裝要密封，菇頭沒脫落。如菇身顏色過於雪白，可能是經過漂白，應避免選購。
營養/功效：金菇熱量低又有營養，常食有助降低膽固醇，對高血壓、胃腸道潰瘍、肝病等有防治功效。
