【廣州直擊】李克勤、容祖兒及何韻詩等前晚到廣州出席第六屆華語音樂傳媒大賞，與祖兒分奪三獎的克勤雖是贏家之一，但被近日和郭可盈的緋聞影響心情，對於指他和女友盧淑儀冷戰的報道，克勤指報道失實，更揚言會「當埋條底褲都告到底」。
李克勤和容祖兒前晚在第六屆華語音樂傳媒大賞中各攬三獎（詳見附表），力壓中、港、台歌手，成為頒獎禮的贏家。克勤上台獻唱歌曲《婚前的女人》，將整晚氣氛推至高峯。超女李宇春也是現場最受歡迎歌星之一，她表演完後，現場有四分一她的fans即拉隊離場。至於曾傳斷背的祖兒及何韻詩，前晚在嘉賓席上密密傾，毫不避忌。
唔恨大胸
雖然克勤是當晚的贏家，但心情似乎受連日有關他跟郭可盈的緋聞，以及他和女友盧淑儀冷戰的報道所影響，脾氣有點暴躁，當問他是否會請假一個月籌備婚禮時，克勤說：「我唯一想講係搞我唔緊要，但好似屋企人、女朋友，就唔好騷擾，我有責任保護佢哋，好似有雜誌話我同女朋友冷戰，我覺得好笑，係幻想嘅新聞，畀我發現告得入，當埋條底褲都告到底。」
愈說愈激動的克勤續說：「畀雜誌最後通牒，我每一本都會畀律師睇，啲惡毒不實嘅報道，就算傾盡一生積蓄都告到底。」
同是三獎得主的祖兒大談尹婉媚承認花20萬元做醫學整容一事，她說：「每個人睇法唔同，開心自然會靚。」再問她會否隆胸，祖兒說：「唔會喇，一啲都唔恨大。」此外，王菀之被指撼贏衞蘭奪得最佳女新人獎，她聞言即說：「唔好用撼低。」隨後即扯開話題指自己過關時忘記帶回鄉證，要返回家取。
採訪、攝影：曾小嘉
