黎明（Leon）及衞蘭前晚於九龍灣舉行「拉闊演奏廳」，Leon雖帶病上陣，但表現鬼馬，既主動為擔任表演嘉賓的應昌佑伴舞，還突然如講波佬黃興桂上身，連珠炮發地胡言亂語一番，結果被衞蘭笑他懶sexy，好鹹濕。
黎明與衞蘭（Janice）前晚在九龍灣國際展貿中心演出商台「903idclub拉闊演奏廳」，雖然Leon抱病演出，但他整晚說話多多令台下觀眾拍爛手掌，另外他又突然為應昌佑伴舞，引得歌迷拍手尖叫。
Leon伴舞後突然如講波佬黃興桂上身，向台下解釋他跳舞的三個原因，他說：「一係我食咗感冒藥、二係我一直想坐低、三係自然。」他飲水時又問台下觀眾知不知他為何要喝水，他解釋說：「我飲水係因為個口乾囉。」當Leon在台上講話時，台下有歌迷大叫Janice的名字，他即說：「你唔好叫住好唔好？畀多少少時間講嘢，鬼叫支咪喺我手。」
衞蘭冇大冇細
前晚除了Leon語出驚人外，連Janice都胡言亂語，她倆合唱後，有不少歌迷送上鮮花，她竟對着Leon說：「Leon你過嚟幫手呀。」
Janice最後合唱時眼有淚光，事後她表示十分感謝他的提攜，她才能站於台上。
問Janice覺得Leon的舞步如何？她竟說：「佢跳舞個樣好鹹濕。」在旁的應昌佑即時為她掩飾說：「佢係話Leon好sexy呀。」她得知自己講錯說話便說：「我中文唔好呀，不過Leon真係跳得懶sexy。」
發表兩性偉論
提到Janice眼泛淚光，Leon說：「冇呀，我以為佢勾到個鼻環痛。」最後他又講了一番兩性關係的理論，他說：「女仔喊有一半係假，只要存在呢個諗法就唔會產生不必要同情、唔會做錯事，總之我識分。」問他是否只接受嗲功，他說：「咁易嗲到個男人就耳仔軟，男仔耳仔軟有一半都係假。」
採訪：李珮洳
攝影：仇志德
