財務策劃師愈嚟愈搶手，短短幾年就有6萬幾人入行，為咗提高水準，財務策劃師學會就做咗個有關從業員作業方式嘅調查。
執委會成員傅鄺穎婷話，本港財務策劃師嘅認知性算高，70%受訪者唔會向其他人透露客戶資料，有職業操守（只得七成咋）；76%會用電腦軟件分析，唔會一味靠估；81%仲會提供不同產品或投資組合畀客揀；86%嘅受訪者會承諾定期檢討投資計劃，其中只有6%會收錢；而佢哋教育程度都幾高，70%係大學畢業，甚至有碩士㖭。
佢仲話，財務策劃師學會除咗有專業機制去監管策劃師外，8月仲會出埋實務指引同舉辦工作坊。家吓財務策劃愈黎愈流行，睇嚟大家都要多啲留意策劃師嘅資料，費事第時矇查查咩都唔知。