無綫《美女廚房》中的粥粉麵飯均來自無綫第20期藝員訓練班，既是同班同學，又是好朋友，四人最開心的，就是可以一同參與高收視節目《美女廚房》。其中麵和飯日前穿上小背心，露出誘人香肩，為火熱廚房降溫。
節目《美女廚房》的粥粉麵飯每集都穿露臍短裙示人，繼粥粉後，由麵飯穿露肩小背心帶來清涼感覺。
謝兆韵在《美女廚房》叫做阿麵，22歲，樣子甜美，清純可人，絕對有資格參選香港小姐，但是她偏偏選擇入讀無綫藝員訓練班，何解呢？她說：「做港姐要着三點式，我唔得，我對自己身材冇自信，其實我媽咪都有叫過我去參加港姐，我鍾意表演，鍾意做戲，所以去讀藝員訓練班。」
上台表演好滿足
藝訓班畢業之後，阿麵曾經參演《鳳凰四重奏》和《高朋滿座》等，令她十分開心，更認為自己沒選錯，她說：「我由細到大都好鍾意呢行，好鍾意表演畀人睇，我覺得喺台上表演好有滿足感，為觀眾帶來歡樂，我更加開心。」
如果有睇無綫世界盃節目，就知道世界妹「阿雪」孫慧雪正是《美女廚房》的阿飯，跟粥粉麵一起讀藝員訓練班，情同姊妹，她說：「記得一齊讀訓練班嗰時，一齊學唱歌、學跳舞、學做戲，嗰時見佢哋多過屋企人，𠵱家又有機會一齊做《美女廚房》，所以真係好開心，因為呢個機會唔係成日有。」
採訪：楊潔雯 攝影：葉君海
服裝提供：Quicksilver
