雖不鼓勵人賭博，但打麻雀已成為香港人生活的一部份，若是經常輸多贏少，就要留意自己是否坐在風水黑仔位，想贏錢就要識得揀位坐。
文︰方海閱
網址：www.fonghoiyue.com.hk
兩大贏錢位：（一）面向大門迎接財神
打麻雀最好坐在財位，今年的財位在正北及正南方。但若去到別人的家裏打，你未必知道哪個方位是財位，最保險的做法是揀面向大門的座位坐。因為大門為屋的進財位，好像迎接財神一樣。雖然未必保你一定贏，要視乎個人的橫財運而定，但最少可以輸少些。
（二）靠牆坐有背椅贏面勝一籌
如果揀唔到面向大門的座位坐，也應該選擇背後是牆或大櫃的座位，兼且最好揀有椅背的座位，風水上稱為「有靠山」，代表能得貴人的相助，可提高贏面。
三大忌：1.忌背對門口、露台、通道
若坐在背後是門口、露台、通道的座位，一來冇靠山，二來容易受到騷擾，令人精神分散，別人打了甚麼牌也忘記，這樣便會輸多贏少。
2.忌頭壓橫樑
如果坐在橫樑之下的座位，便形成「橫樑壓頂」之勢，打起牌來會令人特別緊張、頭痛或頭昏腦脹，在這情形下，想贏錢都幾難了。
3.忌對正冷氣機
如果坐在對正冷氣機或風扇的座位，長時間在較寒冷的地方坐，人的財氣都會受到削弱，特別怕冷怕風的人士影響更甚。
衣飾顏色夾生肖 打牌旺
想贏麻雀，除了要識揀座位之外，還要懂得着配合自己生肖的衣服及飾物顏色，增加贏錢勝數。