以色列與黎巴嫩戰火持續蔓延，中東局勢一片緊張，蔡少芬原定於本月30日前往以色列拍攝全新一輯的《向世界出發》，但無綫昨日基於人身安全理由決定取消，令今年初因為以色列政局混亂取消行程的蔡少芬再次食詐糊。
身為基督教教徒的蔡少芬(Ada)，本於今年初前往以色列拍攝無綫《向世界出發》特輯，到聖城耶路撒冷及耶穌出生地伯利恒取景，結果因為當時以色列總理沙龍（ArielSharon）中風昏迷，政局混亂，無綫惟有取消行程，令Ada大失所望。
志偉已赴汶萊
直至月前，無綫有見節目播出以來收視和口碑不俗，隨即宣布開拍第二輯，繼曾志偉作先頭部隊前往汶萊取景後，安排Ada到以色列完成年初取消的行程，並定於本月30日出發，結果又因為近日以色列與黎巴嫩開火互轟而再次取消。
人身安全為要
記者昨日致電《向》節目監製鄧婉媚了解時，她說：「過去一星期我哋一直好關注中東局勢，原定部份工作人員喺今個月25號先去以色列睇景，Ada就喺30號過去同大隊會合，但鑑於現時局勢太緊張，各地僑民都撤走，近日又有消息話以色列特拉維夫機場係攻擊目標之一，如果我哋去以色列，就要喺呢個機場降落；基於人身安全理由，我哋決定唔去。」
再度食詐糊的Ada昨日透過經理人回應說：「去唔成梗係好失望啦，但局勢咁樣都冇辦法，大家安全緊要啲啦！」
採訪：戴彩煥