金馬影帝劉燁曾經同舒淇因為拍攝電影《美人草》而傳出緋聞，其實佢本身有個拍拖近六年嘅女朋友謝娜，點知今年初兩人突然宣布分手，仲有傳聞話係舒淇做第三者搞散佢哋㖭！
經過差唔多八個月冷靜期後，馮仁昭收到風話呢對舊情人又想走番埋一齊。本月初謝娜接受訪問時暗示同劉燁餘情未了，咁啱前日劉燁喺北京國家話劇院綵排話劇《琥珀》嗰陣又話想同謝娜重修舊好，佢話：「跟謝娜以前也鬧過，但都好了，這次分開也差不多八個月了，起因就是一點小事。我得承認，環境在變，自己也不知不覺在變，那會兒是拍《黃金甲》（《滿城盡帶黃金甲》），我的壓力挺大，都是發哥（周潤發）、鞏俐的對手戲，所以就把感情事先放下了。」
一年只見20日
劉燁仲話：「我們一起快六年，有一年我們算下來，在一起的時間才20天。對我來說，重新相信一段感情也不容易，我覺得說分就分挺不好的，還是希望順其自然找回來就好。」其實劉燁同謝娜喺內地已經係公認嘅金童玉女，咁耐以嚟雙方幾乎都同緋聞絕緣，所以馮仁昭都睇好佢兩個會走番埋一齊，不過劉燁借發哥同鞏俐過橋箍煲，條橋似乎渣啲噃！