NelNel話吊帶一啲都唔難carry，而且好容易配襯，無論你係邊種身形的女生都一樣可以一試，湊吓呢個吊帶熱，不過以下幾點就要注意喇！
1.肥胖忌着橫間條
聽落好似有啲廢話，不過始終有好多女生唔聽話或者以為只要夠貼身，着橫間條都唔會出事。𠵱家就糾正你哋呢種觀念，身形較為肥胖的女生們，不要再以橫間條衫配吊帶裙褲，這樣只會令你的膊頭看上去更橫更圓，亦將腰粗的缺點表露無遺。
2.矮小忌用粗吊帶
粗吊帶已給人一種幾重的感覺，身形較為矮小的女生配粗吊帶的話在視覺效果上會給人更矮的感覺。因為粗吊帶會令肥胖的身形重上加重，應改用幼吊帶拉長個人的身形。
3.吊帶要襯貼身Tee或背心
一句到尾，NelNel叮囑各位女生（無論你是平胸、大胸、腰粗、腰幼、麒麟臂還是皮包骨），着吊帶裙褲或吊帶衣飾時切記要以貼身衫襯底，即使你想玩中性feel的造型，內裏的恤衫都應該揀貼身一啲！因為鬆身衫會遮掩線條，看起來毫無身形兼腰粗；相反貼身衫就有突出線條的作用，亦能夠突出身上的吊帶，好睇好多。
