福士推出嘅車款喺改裝車界真係好Hit，全新Eos開篷跑車也成為各大改裝公司目標，正如呢部銀色改裝版，正是好例子。
跟福士車廠份屬同鄉嘅JEDesign，佢哋所提供嘅StylingPackage包括有車頭泵把連氣霸、頭燈燈眉、車身兩側裙腳、車尾定翼及尾泵把連氣霸，還有4輪19吋多幅式跑車合金胎軨，加加埋埋即刻搞到部車型到爆燈。
JEDesign為配用汽油及柴油引擎的Eos推出TunningKit，其中2公升Turbo汽油引擎，馬力由200匹增至244匹，扭力也調升至262lb-ft，0至100公里加速度7秒；懸掛系統調低30mm，輔以235/35R19高效能輪胎，走彎表現也要比原裝的好好多。
記者：鄭達基
