肇事巴士車頭及車身位置被削去，理大機械工程學系工程師盧覺強估計，一架載滿人、重達23噸的巴士，以時速70公里計算，當時巴士的撞擊力達89公噸，故有乘客被拋出車外並不出奇。
乘車時睡覺高危
盧覺強表示，現時巴士車身物料，一般以玻璃纖維板及鋁板製造，故車身較輕，所承受撞擊力未必比得上舊式巴士，若集中撞到某一邊的話，衝擊力及破壞程度會更大，乘客亦會更易被拋出車外。
他又說，巴士上層由於離地面較高，遇到車禍時的搖晃幅度亦較大，所以巴士上層較下層危險得多，而其他危險位置包括車頭、車尾及近門口的企位，不過最重要是乘車時都不應睡覺。「就算你冇扣安全帶，撞咗車你都識得用手用腳頂住，或扶住嘢，但瞓咗嘅話，就咩都用唔到，會更危險。」
此外，汽總九巴分會副主任鍾健華補充，若乘客選擇站在車廂內，緊握扶手柱，會較握着扶手圈安全得多：「捉實條鐵柱穩陣啲，起碼唔會搖吓搖吓，冇咁容易跌。」