許志安同胡杏兒原定噚日朝早去小西灣藍灣半島泳池拍攝劇集《肥田囍事》一場游水戲，不過因為前晚有小童喺泳池遇溺，所以臨時取消，改喺電視城繼續拍攝其餘戲份。許志安話希望遇溺小童早日康復，仲話：「我為咗呢套劇肥咗10幾磅，我會趁呢段時間減肥，着泳褲好睇啲，不過一定唔會着『豆零邊』泳褲，最多都係着條『兩蚊邊』嘅泳褲。」