張栢芝突然公開批評章子怡在新片中用替身演裸露鏡頭不專業，掀起罵戰火頭，原來從心理角度來看，是身心障礙的狀態，臨床身心行為學家李寶能昨日指出，此事可由動物本能的角度來分析，任何一個生命都有很多機會表現自己，為戰勝其他同類而發揮其英雄或英雌本色，他說：「呢種係一個保護自己的方法，弱者好難生存，所以佢哋要千方百計用直接或間接嘅方法去強化自己，要畀人知道佢有存在嘅價值，要表現出自己係獨一無二。」
李寶能續說：「如果覺得自己乜嘢都好過你、叻過你、靚過你、身材好過你，就唔會出聲，相反，當佢想證明畀人睇自己係好過人哋，咁嗰啲人霸氣就會好重，佢哋會千方百計不斷搵心理上嘅成功感同滿足感。」