黃麗梅噚日喺灣仔陶源酒家出席記者會，宣布擔任亞視新節目《源來咁好味》嘅主持，仲捧住成盆鮑魚擺甫士，引到馮仁昭口水流。經常做飲食節目嘅麗梅姐話有時真係有苦自己知，佢話：「我唔鍾意嘥嘢，次次煮完嘅餸都會食晒，搞到膽固醇比標準高咗一倍。」所以佢話講飲講食之餘，都會注意番健康。