眾歌手前晚在長沙出席「2006年度雪碧中國原創音樂流行榜季選」，任賢齊、李宇春、古巨基和張韶涵齊奪觀眾投票的雪碧至IN星獎，最後小齊和李宇春各得四獎成為大贏家，基仔和韓國歌手SE7EN則各奪三獎。
齊撐側田妹
SE7EN勁歌熱舞時，做出單手倒立動作，引得fans尖叫連連，不過仍然不及超女李宇春受歡迎，她每次出場，fans均熱烈拍掌和歡呼，甚有氣勢。
梁漢文談到譚耀文將為人父，他謂朋友當中以他和張衞健被公認是會最快結婚，他說：「我做老公都ready，但未ready做老竇，同埋我肯定報道話張茜大肚係錯嘅。」
另外，有指側田妹妹Roxane將加入樂壇，基仔說：「我當佢係細妹一樣，一定撐佢。」吳雨霏（Kary）也支持Roxane，但就勸對方不要減肥：「鍾意聽一個人唱歌唔係睇佢肥唔肥，樣可以慢慢執，我以前都樣衰啦。」小齊則談到成龍在李宗盛演唱會上爆粗，他說：「佢冇心嘅，我哋有時傾偈都唔小心講粗口。」
採訪、攝影：曾小嘉
