電影《寶貝計劃》演員昨日在觀塘舉行宣傳活動，更找來100名一歲的嬰兒助陣。戲中BB演員Matthew每見成龍時必喊個不停，只有在應采兒（Cherrie）懷中表現最安靜。
成龍、古天樂、應采兒、許冠文及BB演員Matthew等昨日出席觀塘apm商場一周年宣傳活動，大會更找來100名一歲的嬰兒到場玩遊戲，場面熱鬧。
用食物引誘
當現場發放花炮紙碎時，原先在Cherrie懷中熟睡的BBMatthew被吵醒，當他望到身旁的成龍便即時放聲大哭，無論成龍如何安撫及用食物引誘，他依然不為所動，只有Cherrie呵護下才稍為好轉，抱着BB影相時，他更靜靜地睡着。可惜及後的嬰兒爬行比賽，成龍再被安排跟Matthew一組，BB雖然向前爬，但就邊爬邊哭直至終點。
Cherrie表示Matthew一向跟劇中演員對着幹，她笑說：「成龍唔在講，見到古仔同佢媽咪都會喊，因為知道要拍戲。」對於自小有照顧小孩子經驗的Cherrie表示Matthew難不到她，她說：「我11歲就要照顧一歲幾嘅表弟，仲同佢一齊瞓，後來佢4、5歲開始對異性好奇至冇。」
愧對李宗盛
此外，成龍對於早前在李宗盛的演唱會中爆粗一事，他回應說：「呢個問題我唔想再講，我承認我錯咗，原來我同李宗盛嘅感情太好，但就唔應該喺公開場合用嚟玩。我喺度向李宗盛同當晚嘅觀眾道歉，其他唔講嘞。」
採訪：何永寧 攝影：葉君海
