英皇書院80周年校慶，前晚喺會展新翼筵開百四席，八方見到唔少oldboys嚟敍舊，好似梁振英、許淇安、岑才生、陳永陸、潘啟迪、陳家強、譚炳勝、黃燦光等等等，八方仲撞到賭王個胞妹，唔係嗌交嗰個十姑娘，而係十三姑娘莫何婉穎，不斷有舊生叫佢Mrs.Mok，原來十三姑娘曾經喺50年代喺英皇教過書，當時佢教英文同歷史，佢記得教過嘅名人有李君夏同許淇安呢兩位前度「一哥」，十三姑娘仲記得佢哋兩個細細個已經好乖，好守紀律。
當晚大家玩得好開心，除咗梁振英羅致光劉山青話舊之外，仲有英皇出名嘅口琴表演，又有武術同民歌，仲有學弟夾band；不過乜嘢節目其實都唔重要，一班老同學難得聚首，永遠有傾唔完嘅話題。