繼恒指上周五急跌169點，美股當晚又跌106點。大市方向未明，外圍利淡消息多，中東打仗，油價創新高，中國又傳加息，總之樣樣都係可以用嚟造淡嘅藉口。
近兩年紡織股已經冇以前咁受歡迎，比較受芬佬歡迎的福田實業（420），就因為環保問題喺大陸被人抽秤，股價一浪低於一浪。至於魏橋紡織（2698）雖然有芬佬默默收貨，但股價一直低於10元。
不過，上周公布以8500萬元收購一項布料加工業務的華豐紡織（364），股價應聲彈高13.95％，收0.49元，但成交唔算大，只有1020萬股，金額489萬元。
經紀陳話，華豐年前一度被芬佬睇起，但收尾同其他紡織股一樣低迷。但據講最近有班證券界人士睇中華豐，幫佢做推廣，估計稍後公司陸續有動作。
事實上，華豐早排公布中期業績，盈利有4844.7萬元，比去年上升10.17％，表現唔差。
慕容小初