海洋公園要進軍食品業？非也，園方只係首次同雀巢公司合作，推出兩款限量版雪糕棒，分別為朱古力味嘅「雀巢海獅仔」同士多啤梨味嘅「雀巢海豚仔」，即日起喺海洋公園、7-11同OK便利店發售，每支五元，愛好雪糕一族今日起至明年2月28日，更可以憑雪糕棒吉包，以88折換購海洋公園日間門票一張，吉包同時附有海洋公園9折購物或美食優惠券。