早前喺LeMans24小時耐力賽中勝出的奧廸R10TDI戰車，喺日前響英國又參加咗1場比賽，但今次嘅對手並唔係汽車，而係英國皇家空軍嘅戰鬥機！
呢場別開生面嘅1公里加速比賽，其實是喺英國Goodwood舉行嘅FestivalofSpeed其中1項活動，參賽者只有配備可輸出650匹馬力柴油引擎嘅奧廸R10TDI戰車，以及擁有15,000匹馬力嘅皇家空軍戰鬥機HarrierGR7。或者你會話，佢哋根本係兩種唔同嘅嘢，又點可以走埋一齊比賽呢？哈，你唔好理，佢哋又真係走埋一齊嚟咗場比賽。
或者大會知道兩者在加速比賽中根本係無得比，所以由AllanMcNish駕駛嘅R10TDI戰車，係採用RollingStart模式，而HarrierGR-7戰鬥機則以正常方式起步，在1公里的比賽路程中，R10TDI戰車一直領先，到終點時才因戰鬥機的機鼻先碰到終點線而勝出，在場觀戰的5,000名觀眾，無不拍手大叫過癮。賽後，駕駛R10TDI的AllanMcNish稱這場比賽好得意，但當戰機從後趕上之時卻令他緊張得手心冒汗，幸好車上的TDI柴油引擎有充裕動力輸出，才不致被對手拋離。
記者：鄭達基
