蘇玉華與任職話劇界的男友潘燦良拍拖11年，感情穩定，問她會否覺得結婚是人生的唯一出路呢？她說：「我覺得𠵱家呢個生活方式好啱我，搵一個伴，容許你鍾意做乜就做乜，其實結婚個意義係乜？𠵱家呢個年代冇男人會照顧你一世，邊有呢支歌仔唱。如果我真係要結婚，係為生仔，決定生仔就會結婚。」
「世界太複雜」
年過30的蘇玉華會否突然想嫁？她說：「拍拖11年，間中都有衝動想結婚，所以唔排除隨時會結。我之前放一個月假去紐約，喺公園見到好多一家大細，一個爸爸推住一對孖胎，好溫馨，當時真係有衝動想結婚生仔。不過返到現實，生仔都唔係咁簡單，呢個世界太複雜，唔係淨係經濟問題，係好大責任，生得出，就要畀晒心機照顧個小朋友，所以都係要諗清楚。」